know . your . fav .artist

लम्जुङ् दुराडाँडा जन्मेर २०४० सालदेखि लोकगायन क्षेत्रमा प्रवेश गर्नुभएकी बिमा कुमारी दुरा नेपालका के सहर के पहाड के तराई सम्पूर्ण डाँडाकाँडा र कुनाकन्दरामा घन्किने लोकगीतकी धनी गायिका हुन् । २०४६ सालमा अधिराज्यव्यापी दोहोरी गीत प्रतियोगितामा तृतिय स्थान हासिल गरी २०४७ सालमा रेडियो नेपालको लोकगीत प्रतियोगितामा प्रथम पुरस्कार प्राप्त गरिसकेकी छिन् । ‘छुट्यो माया जाल’ उनको पहिलो एलबम निकै चर्चित एलबम हो । दुरासँग गरिएको कुराकानीको सार सक्षेप -
लोकगीतलाई साधारण भाषामा कसरी बुझ्ने ?-
लोकगीत नेपालीहरुको चिनारी हो । आफ्नो हुनुको पहिचान हो । हरेक नेपालीहरुको मुखमा झुन्निएको भाका नै लोकगीत हो ।
लोकगीत क्षेत्रमा कसरी पाइला हाल्नुभयो ?-
गाउँघरमा हुर्केको हुनाले मेलापातमा गीत गाउँदै रमाउने सिलसिलामा लोकगीतमा चाहना बढ्यो अनि यो क्षेत्रमा पाइला हाले ।
गाउँलेपरिवेशबाट काठमाडौं आई गायन क्षेत्रमा एउटा केटी मान्छेले प्रवेश गर्दा कतिको गाह्रो भयो ?
-गा.वि.स. र जिल्लाको प्रतिनिधित्व गर्दै लोकगीत प्रतियोगितामा र महेन्द्र युवा संगठनले २०४६ सालमा राष्ट्रव्यापी दोहोरी प्रतियोगितामा उहाँहरको सम्पूर्ण सहयोगमा काठमाडौं आईयो । रेडियो नेपालबाट प्रशारित चौतारी कार्यक्रममा गाउँन मन जागेर आयो अनि गाउँबाट काठमाडौंलाई भाग्थलो बनाउँदा महँगो र अर्काको घरमा बस्दा गाह्रो भयो ।
लोकगीत क्षेत्रमा लागेर चर्चित लोक गायिका भइएला जस्तो लागेको थियो ?
-भगवानले गाउँले कला दिएको हुनाले आशा धेरै थियो त्यसैअनुसार मिहिनेत गरे लोकगीतमा आफुलाई समर्पित गरी संघर्ष गरे सफल भइयो । चर्चित हुन्छु भन्ने अठोट गरेको थिएँ ।
हजुरलाई चर्चित लोकगायिका भनेर भन्छन् कस्तो लाग्छ ?
-खुशी लाग्छ । श्रोताको माया यसरी नै पाइन्छ ।
लोकगीतलाई रिमिक्स गरेर नयाँ भाका लोकगीत गाउने गरिएको पाइन्छ कस्तो लाग्छ ?
- अर्काकॊ गीतलाई राम्रो मानी सम्झनु बढवा दिनु राम्रो हो तर जथाभावी छाडा तरिकाले रिमिक्स थपेर म्युजिक भिडियो बनाएर चर्चित बन्न खोज्नु चाहिँ राम्रो होइन र कदापि बन्न सक्दैन ।
अति व्यस्त गायिकामध्ये बीमाकुमारी दुरा भन्दछिन् के साँचो हो ?
भन्छन् तर त्यति व्यस्त चाँहि होइन्। नाम अनुसार अझ बढि गीतहरुको अफर आउनु पर्र्यो ।
अहिलेसम्म कति गीतमा स्वर भरिसक्नु भयो ?
- त्यति हिसाब त राखेको छैन । अन्दाजि १ हजार देखि १५ सयसम्म जति गीतमा स्वर भरियो होला ।
अहिले कुनै नयाँ एलबम निकाल्दै हुनुहुन्छ ?
-योजना बनाएको छु तर हाललाई कुनै छैन ।
लोकगीत क्षेत्रमा लागेर के पाउनु भयो के गुमाउनु भयो हासी खुशि जवाफ दिनुहोला ?
-कममात्रामा बसोबास रहेको दुरा जातिहरुको प्रतिनिधित्व गरी दुरा जातिको पहिचान चिनाउन सकेकोमा खुशि लाग्छ । त्यहि नै धेरै पाएको जस्तो लाग्छ । गुमाएको भए अति धेरै श्रोताले दिएको माया ममता र खुशिको कुरै उठ्दैनथ्यो ।
लोकगीत क्षेत्रमा लागेका सबै नयाँ गायक गायिकाहरुलाई के सन्देश दिन चाहनुहुन्छ ?
- लोकगीत हाम्रो परम्परागत चलिआएको हो । तर लोकगीतको मौलिकपनलाई कहिल्यै भुल्नु हुदैन । त्यसैले नयाँ कलाकारहर जुन यस क्षेत्रमा आउनु भएको छ हरेस नखाई लाग्नुहोस एकदिन सफल अवश्य भईन्छ भन्ने सन्देश दिन चाहान्छु ।